حملة التبرع بالدم

‘’The blood donor of today may be recipient of tomorrow."
‎كتير من الناس بتخاف تتبرع بالدم وخصوصًا بعد انتشار الكورونا، لكن اللي مكونتش تعرفه انك قصاد كل كيس دم بتتبرع بيه بتقدر تنقذ ٣ اشخاص حياتهم كانت في خطر قبل تبرعك !
‎جسمنا فيه ٥-٦ لتر دم، وفي عملية سحب الدم بتتبرع ب ٤٥٠ ملليتر بس، وده مش هيسبب ضرر للجسم، ‎بل بالعكس ده كمان هينشط الدورة الدموية بتاعت الجسم.
‎ عملية سحب الدم كاملة بتاخد ربع ساعة بس.
‎ كل ٣ ثوان فيه شخص بيحتاج نقل دم، ‎و ١ من كل ١٠ مرضى بيدخلوا المستشفي بيحتاج نقل دم.
‎كون الانسان هو المصدر الرئيسي للدم وبسبب فقدان الدم المستمر في الحوادث والامراض المزمنة وخلافه
؛ ‎ده بيخلينا دايمًا في احتياج مستمر للتبرع بالدم.
للاسف معدل التبرع في مصر اقل من ٣٠٪؜، وده بيزود نسبة الاحتياج.
‎طيب مين بيحتاج نقل دم ؟
‎•‎ المصابين في الحوادث.
‎• في العمليات الجراحيه و عمليات الولادة.
‎• امراض الدم و مرضي السرطان.
‎• حالات فشل نخاع العظام.
طب هل التبرع ده ممكن يضرني انا كا متبرع في حاجة ؟
نهائي،،
‎التبرع آمن جدًا لأننا بنفحص نسبة الهيموجلوبين و ضغط الدم وبعد عملية التبرع بيرتاح لمدة ٥ دقايق و يشرب عصير لتعويض نسبة السكر في الدم
وعلشان كده نظم فريق EPSF حملة التبرع بالدم داخل الاكاديمية تحت رعاية وزارة الصحة وبتوجيهات سعادة الاستاذ الدكتور / اسماعيل عبدالغفار اسماعيل فرج – رئيس الاكاديمية وبرئاسة الاستاذ الدكتور/ محمد ممود ابو العزم – عميد شئون الطلاب وذلك
في ايام : ١٣، ١٤، ١٥ ديسمبر
من ٩:٣٠ صباحًا حتى ٤ مساءًا
فرع ابوقير: ١٣، ١٤، ١٥ ديسمبر (أمام سيلانترو)
فرع ميامي: ١٤ و ١٥ ديسمبر